У інфармацыйным цэнтры атамнай электрастанцыі гасцей сустракалі намеснік Міністра энергетыкі Міхаіл Міхадзюк і генеральны дырэктар дзяржаўнага прадпрыемства «Беларуская АЭС» Міхаіл Філімонаў.
Удзельнікі візіту азнаёміліся з экспазіцыяй інфармацыйнага цэнтра, наведалі вытворчую базу АЭС і ацанілі маштаб будаўніцтва новых энергаблокаў з назіральнай пляцоўкі. Госці аб'ехалі аб'екты атамнай станцыі і зрабілі прыпынак ля будынка рэактара 1-га энергаблока.
У вучэбна-трэніровачным цэнтры эксперты назіралі за падрыхтоўкай персаналу на поўнамаштабным трэнажоры.
Завяршылася экскурсія наведваннем Касцёла Святой Тройцы ў аграгарадку Гервяты.
