Эксперыментальны тэрмаядзерны рэактар HL-2M Tokamak стане новым, больш дасканалым палігонам для вывучэння плыні тэрмаядзерных рэакцый. Разагрэтая да звышвысокіх тэмператур магнiтаактыўная плазма ўнутры рэактара ўтрымліваецца магнітным полем. Па словах навукоўцаў, рэактар HL-2M можа ўтрымліваць плазму да 10 секунд.
Вывучэнне працэсаў у лабараторыі дапаможа давесці распрацоўку ўстаноўкі да стварэння эксперыментальнага рэактара, які пачнуць будаваць у Кітаі ў наступным годзе, і да прамысловага прататыпа, які плануецца пабудаваць да 2035 года. Пераход да поўнамаштабнай эксплуатацыі тэрмаядзернай энергіі Кітай разлічвае ажыццявіць да 2050 года.
Таксама праца рэактара HL-2M Tokamak можа дапамагчы ў развіцці міжнароднага праекта ITER (International Thermonuclear Experimental Reactor), у рамках якога на поўдні Францыі будуецца тэрмаядзерны рэактар з удзелам вядучых краін, уключаючы Расію, Кітай, ЗША, Японію і іншых. Як і HL-2M Tokamak, рэактар ITER будзе разаграваць ізатопы вадароду да 150 млн °C. Паколькі рэактар ITER будзе ўведзены ў эксплуатацыю ў перыяд з 2023 па 2025 гады, эксперыменты на кітайскім рэактары HL-2M могуць дапамагчы ў ажыццяўленні праекта. Чакаем цікавых вынікаў!
