25 верасня 2025 г. "на палях" Міжнароднага форуму "World Atomic Week" адбылася ўрачыстая цырымонія падпісання кантракта паміж рэспубліканскім унітарным прадпрыемствам "Беларуская АЭС" і АТ "Тэхснабэкспарт" (уваходзіць у контур Дзяржкарпарацыі "Расатам") на забеспячэнне бяспечнага абыходжання з адпрацаваным ядзерным палівам (АЯП) Беларускай АЭС.
Дакумент падпісалі генеральны дырэктар АТ "Тэхснабэкспарт" Сяргей Палгароднік і генеральны дырэктар Рэспубліканскага ўнітарнага прадпрыемства "Беларуская АЭС" Сяргей Бабовіч.
Дадзены кантракт - гэта найважнейшы этап развіцця двухбаковых адносін краін у сферы атамнай энергетыкі і першае ў свеце камерцыйнае пагадненне, якое рэалізуе на практыцы канцэпцыю Збалансаванага ядзернага паліўнага цыклу (ЗБЯПЦ) у частцы абыходжання з АЯП АЭС з рэактарнымі ўстаноўкамі ВВЭР.
Кантракт ахоплівае ўвесь праектны тэрмін службы Беларускай АЭС і ўключае ў сябе як абавязацельствы расійскіх прадпрыемстваў па прыёме АЯП на перапрацоўку, так і абавязацельствы па прыёме беларускімі прадпрыемствамі адходаў перапрацоўкі АЯП. Наменклатура і актыўнасці вяртаемых адходаў перапрацоўкі АЯП вызначаюцца па ўзгодненай бакамі кантракту методыцы, адобраных рэгулюючымi органамі Расіі і Рэспублікі Беларусь, заснаванай на прынцыпе эквівалентнасці актыўнасці ўвезенага ў Расійскую Федэрацыю ў мэтах перапрацоўкі АЯП і актыўнасці вяртаюемых ў Рэспубліку Беларусь адходаў яго перапрацоўкі, забяспечваючы бяспечнае, экалагічна адказнае і эканамічна эфектыўнае абыходжанне з імі.
У адпаведнасці з канцэпцыяй ЗБЯПЦ, рэалізуемы для Беларускай АЭС комплекс паслуг дазволіць выключыць стварэнне ў Рэспубліцы Беларусь складаных і дарагіх аб'ектаў глыбіннага пахавання радыеактыўных адходаў ад перапрацоўкі АЯП, а таксама выкарыстоўваць у ядзерным паліўным цыкле рэгенераваныя ядзерныя матэрыялы.
Дзякуючы выкарыстанню інавацыйных расійскіх тэхналогій беларуская атамная галіна становіцца часткай рашэнняў па замыканні ядзернага паліўнага цыкла ў мэтах устойлівага развіцця сусветнай атамнай энергетыкі.
