Кіраўнік прадпрыемства праінфармаваў удзельнікаў сходу аб гісторыі будаўніцтва і ўводу ў эксплуатацыю Беларускай АЭС, адзначыўшы выдатную ролю ў рэалізацыі праекта Прэзідэнта Рэспублікі Беларусь А.Р. Лукашэнкі.
Дакладчык падкрэсліў, што рэалізаваны ў Беларусі праект дзяржкарпарацыі "Расатам" "АЭС-2006", новага пакалення "3+", адпавядае самым сучасным стандартам надзейнасці і бяспекі.
Таксама, у сваім выступленні кіраўнік Беларускай АЭС падрабязна спыніўся на сістэме падрыхтоўкі персаналу Беларускай АЭС, распавёў аб напрамках навучання ў рамках Дзяржаўнай праграмы падрыхтоўкі кадраў для ядзернай энергетыкі ў Рэспубліцы Беларусь, узаемадзеянні з вядучымі профільнымі ВНУ Рэспублікі Беларусь і Расійскай Федэрацыі, падрыхтоўцы персаналу ў вучэбна-трэніровачным цэнтры Беларускай АЭС і ў структурных падраздзяленнях прадпрыемства.
Характарызуючы ўзаемадзеянне Рэспублікі Беларусь з міжнароднымі арганізацыямі ў галіне ядзернай энергетыкі, Сяргей Бабовіч паведаміў, што "на працягу ўсяго перыяду рэалізацыі праекта будаўніцтва атамнай электрастанцыі Рэспубліка Беларусь вядзе актыўнае супрацоўніцтва ў сферы атамнай энергетыкі з больш чым 20-цю краінамі і міжнароднымі арганізацыямі, перш за ўсё МАГАТЭ і САА АЭС".
Былі прыведзены канкрэтныя прыклады эфектыўнага ўзаемадзеяння Беларускай АЭС і САА АЭС.
"Супрацоўніцтва з міжнароднымі арганізацыямі, такімі як САА АЭС, дазваляе Беларускай АЭС пашыраць свае магчымасці па надзейнай і бяспечнай эксплуатацыі атамнай электрастанцыі і стварэнні ўдасканаленай ядзерна-энергетычнай інфраструктуры для прымянення атамнай энергіі ў мірных мэтах. Мы верым, што атамная энергетыка - гэта светлая і бяспечная будучыня для наступных пакаленняў" - рэзюмаваў свой выступ генеральны дырэктар Беларускай АЭС.
