У ім прынялі ўдзел Дзяржаўны сакратар Савета бяспекі Рэспублікі Беларусь Аляксандр Вальфовіч, першы намеснік Кіраўніка Адміністрацыі Прэзідэнта Рэспублікі Беларусь Наталля Пяткевіч, намеснік Прэм'ер-міністра Рэспублікі Беларусь Юрый Шулейка, старшыня Гродзенскага абласнога выканаўчага камітэта Уладзімір Каранік, памочнік Прэзідэнта - інспектар па Гродзенскай вобласці Юрый Караеў, намеснікі старшыні аблвыканкама, старшыня Гродзенскага абласнога Савета дэпутатаў Алена Пасюта, старшыня Гродзенскага гарадскога выканаўчага камітэта Андрэй Хмель, старшыні раённых выканаўчых камітэтаў, ветэраны, прадстаўнікі грамадскіх арганізацый і аб'яднанняў, моладзь.
17 раёнаў, абласны цэнтр - Гродна, больш за 900 тысяч чалавек, якія пражываюць у вобласці, і каля мільёна гасцей штогод! Тэрытарыяльна Гродзеншчына – самы маленькі рэгіён Беларусі, але рэсурсны патэнцыял і архітэктурную спадчыну можна назваць найбагацейшай у нашай краіне.
І, вядома ж, Гродзенская вобласць - край працавітых, таленавітых і шчаслівых людзей. Гарадзеншчына - заходняя жамчужына беларускага краю.
Прывітальны адрас Прэзідэнта Рэспублікі Беларусь Аляксандра Лукашэнкі жыхарам Гродзеншчыны падчас урачыстага мерапрыемства зачытаў Дзяржаўны сакратар Савета бяспекі Рэспублікі Беларусь Аляксандр Вальфовіч:
"Прынёманскі край - сапраўдная жамчужына Беларусі, дзе ўнікальным чынам злучыліся маляўнічая прырода, самабытная культура, слаўныя традыцыі і старажытная, багатая гісторыя. Створаная восем дзесяцігоддзяў таму, у год вызвалення рэспублікі ад фашысцкіх захопнікаў, вобласць сёння паспяхова развіваецца дзякуючы ўпартай стваральнай працы жыхароў. Візітнай карткай рэгіёна сталі аграрная і турыстычная галіны, прамысловасць і атамная энергетыка. Гродзеншчына заўсёды славілася значнымі поспехамі ў эканоміцы і сацыяльнай сферы, а гродзенцы - гасціннасцю і асаблівай адданасцю сваёй малой радзіме. Перакананы, што вам па сілах зрабіць быллю любую казку, рэалізаваць самы складаны праект. І мы яшчэ не раз пачуем пра вашы выдатныя дасягненні», – сказана ў адрасе.
Аляксандр Вальфовіч таксама падкрэсліў, што Гродзенская вобласць, прымнажаючы традыцыі, уносіць вялікі ўклад у развіццё Беларусі.
– Гродзеншчына валодае сваёй ідэнтычнасцю, багатая гістарычнай і культурнай спадчынай. Яна вядома не толькі на тэрыторыі нашай краіны, але і далёка за яе межамі. Сёння рэгіён, прымнажаючы традыцыі старэйшых пакаленняў, уносіць новы ўклад у развіццё эканомікі і дабрабыту нашай краіны. Атрымаўшы яшчэ ў 70-я і 80-я гады мінулага стагоддзя агульнасаюзную вядомасць як край высокаінтэнсіўнага сельскагаспадарчага напрамку, высокай, эфектыўнай прамысловасці, і сёння робіць усё магчымае для таго, каб гарантаваць эканамічную і харчовую бяспеку нашай дзяржавы, - сказаў Аляксандр Вальфовіч. – З будаўніцтвам атамнай электрастанцыі ў Астраўцы вобласць ступіла ў свет мірнага атама і стала высокатэхналагічным краем, які падтрымлівае энергетычную бяспеку краіны.
B Гродзенскай вобласці размешчана больш за 1300 прамысловых прадпрыемстваў, звыш 200 сельгасгаспадарчых арганізацый. Асноўнымі галінамі аграрнага сектара з'яўляюцца малочная і мясная жывёлагадоўля, вытворчасць збожжа, цукровых буракоў, рапсу, бульбы і плодаагародніннай прадукцыі. Вобласць падтрымлівае гандлёва-эканамічныя адносіны больш як са 126 краінамі свету, пастаўляючы тавары ў Расійскую Федэрацыю, Кітай, Узбекістан, Казахстан, еўрапейскія і азіяцкія краіны.
Выступаючы на ўрачыстым мерапрыемстве, першы намеснік Кіраўніка Адміністрацыі Прэзідэнта Рэспублікі Беларусь Наталля Пяткевіч пажадала жыхарам Гродзеншчыны праслаўляць свой рэгіён і Айчыну.
– Лічба чатыры азначае стабільнасць, надзейнасць, парадак і адказнасць. Гродзенская вобласць адпавядае ўсім гэтым характарыстыкам у маштабах нашай краіны. Гэты самабытны край здолеў спалучыць прадстаўнікоў розных культур, нацыянальнасцяў, рэлігій і зрабіў усё магчымае для таго, каб усім было камфортна. Захоўвайце гэту самабытнасць, – сказала Наталля Пяткевіч.
Першы намеснік Кіраўніка Адміністрацыі Прэзідэнта Рэспублікі Беларусь адзначыла, што жыхарам Гродзенскай вобласці ёсць чым ганарыцца і што берагчы.
- 80 гадоў нязначная лічба ў маштабах гісторыі. Але тое, што вы зрабілі за гэтыя гады, ужо месціць у сябе тэмы летапісу. Вам ёсць чым ганарыцца і што праслаўляць. Праслаўляйце свой рэгіён і нашу Айчыну, - сказала Наталля Пяткевіч.
Гродзеншчына - вобласць, якая развіваецца ў нагу з часам. У рэгіёне вядуцца маштабныя пераўтварэнні ў энергетыцы: уведзена ў эксплуатацыю Гродзенская гідраэлектрастанцыя, і вядома ж, гістарычная падзея - увод у дзеянне атамнай электрастанцыі. Гродзеншчына - крыніца сіл і энергіі для ўсёй нашай краіны.
– Гродзенская вобласць займае значнае месца па сельскагаспадарчых, прамысловых і ідэалагічных паказчыках. Гэты гістарычны рэгіён памятны сваёй спадчынай. Менавіта Гродзеншчына збірае самыя высокія ўраджаі, мае самыя высокія дасягненні сельскай гаспадаркі, - сказаў намеснік Прэм'ер-міністра Рэспублікі Беларусь Юрый Шулейка, віншуючы прысутных са святам.
Гродзенская вобласць займае больш за 10% у аб'ёме вытворчасці прамысловай прадукцыі краіны. Тут засяроджаны ўвесь рэспубліканскі аб'ём вытворчасці капралактаму, сухіх малочных сумесей для дзяцей, амаль увесь аб'ём азотных угнаенняў, аміяку, больш за палову рэспубліканскага аб'ёму панчошна-шкарпэткавых вырабаў. Лідзіруючым з'яўляецца вытворчасць прадуктаў харчавання, напояў і тытунёвых вырабаў.
– У верасні гэтага года мы адзначаем два знакавыя юбілеі, якія аказалі вялікі ўплыў на жыццё нашай краіны – 85 гадоў аб'яднання ўсходніх і заходніх рэгіёнаў Беларусі і 80 гадоў стварэння Гродзенскай вобласці. Цяпер з вышыні пражытых дзесяцігоддзяў мы дакладна ацэньваем значэнне падзей мінулы гадоў. Але нават праз гады мы, мусіць, не да канца ўсведамляем, з якімі цяжкасцямі прыйшлося сутыкнуцца нашым бацькам, дзядам і прадзедам. 80 гадоў таму яшчэ ішла жорсткая вайна. Рэгіён ляжаў у руінах, быў татальны дэфіцыт рэсурсаў. Нягледзячы на гэта, нашы суайчыннікі змаглі стварыць трывалы падмурак, абапіраючыся на які зараз вобласць жыве і квітнее. Рэгіён ганарыцца прамысловасцю і сельскай гаспадаркай, інавацыйнай энергетыкай, сацыяльнай сферай, унікальным турыстычным патэнцыялам, азнаёміцца з якім штогод прыязджаюць тысячы турыстаў з розных краін. Гэта вобласць, якую кіраўнік нашай краіны называе жамчужынай Беларусі, - сказаў Уладзімір Каранік.– Нам ёсць, чым ганарыцца і што берагчы. Я выказваю словы падзякі папярэднім пакаленням і ветэранам, якія цяпер жывуць, за тое, што яны выстаялі і перамаглі ў той страшнай вайне, за тое, што ператварылі краіну ў квітнеючы край.
Асобныя словы падзякі Уладзімір Каранік выказаў у адрас Прэзідэнта нашай краіны Аляксандра Лукашэнкi. Ён адзначыў, што многія дасягненні вобласці сталі магчымыя толькі дзякуючы прынятым ім рашэнням.
Уладзімір Каранік таксама падзякаваў жыхарам вобласці, якія жывуць сёння, за тое, што сваёй працай яны робяць наш край лепшым, дораць яму часцінку сваёй любовi і такім чынам забяспечваюць яго сучаснае аблічча, якое захапляе і радуе.
– Я дзякую вам за тое, што захавалі вернасць пакаленням, памяці продкаў, верныя традыцыям беларускага народа. Дзякуй вам за тое, што выхоўваеце дзяцей у любовi да сваёй вялікай і малой Радзімы. Я ўпэўнены, што дзякуючы гэтаму ўсё самае лепшае ў нашай вобласці яшчэ наперадзе. Таму што тут ёсць добрыя людзі і падтрымка дзяржавы, – сказаў Уладзімір Каранік.
Падчас урачыстай падзеі лепшыя з лепшых прадстаўнікі рэгіёну былі ўдастоены ўзнагарод. Урачыстае мерапрыемства завяршылася святочным канцэртам..
