Яркай падзеяй для энергетыкі Беларусі стаў пачатак этапа доследна-прамысловай эксплуатацыі другога энергаблока БелАЭС. Яна знайшла адлюстраванне ў блоку навін. Сярод іншых тэм рубрыкі – абноўленая рэдакцыя Дырэктывы №2, лічбавыя тэхналогіі, навіны беларускай і сусветнай энергетыкі.
Пытанням ядзернай бяспекі прысвечаны артыкул аб выкананні Рэспублікай Беларусь абавязацельстваў у рамках Канвенцыі аб ядзернай бяспецы і навуковае даследаванне аб абыходжанні з высокаактыўнымі РАТ, якія ўтвараюцца як у працэсе эксплуатацыі БелАЭС, так і пры вывадзе яе з эксплуатацыі («Ядзерная энергетыка» , «Навука - энергетыцы»).
Пра тое, як рэалізуюцца патрабаванні Дырэктывы №1 у арганізацыях ДВА «Белпалівагаз» і якіх вынікаў атрымалася дасягнуць аб'яднанню ў гэтай працы, можна прачытаць у інтэрв'ю першага намесніка дырэктара ДВА «Белпалівагаз» Д.В. Шаўлоўскага («Бяспека і ахова працы»).
Спецыялістам галіны будзе цікава азнаёміцца з канцэпцыяй стварэння лічбавага двайніка Беларускай энергасістэмы («Электраэнергетыка»), вопытам УП «Гроднааблгаз» па ўкараненні лічбавых праектаў («Газазабеспячэнне»), тэндэнцыямі развіцця сусветнага рынку электраэнергіі («Сусветны досвед»).
Традыцыйна ў часопісе публікуюцца каментары да новых галіновых стандартаў і іншых ТНПА, агляды новых заканадаўчых актаў за май – чэрвень 2023 года («Стандартызацыя і права»).
Больш падрабязна са зместам часопіса можна азнаёміцца тут
