У рамках падрыхтоўкі да святкавання ў структурных падраздзяленнях Беларускай АЭС прайшлі дні інфармавання, падчас якіх работнікі прадпрыемства яшчэ раз асэнсавалі гістарычную значнасць падзей верасня 1939 г., вынікам якіх стала ўз'яднанне Усходняй і Заходняй Беларусі, падзеленых па ўмовах Рыжскай мірнай дамовы 1921 г і фарміраванне дзяржаўнасці рэспублікі ў сучасных межах.
Пад дэвізам «Сіла ў адзінстве» на Беларускай АЭС прайшлі спартыўныя спаборніцтвы.
Адбыўся конкурс малюнкаў, прымеркаваных да свята, сярод дзяцей працаўнікоў прадпрыемства.
У інфармацыйным цэнтры АЭС праведзены тэматычныя экскурсіі для дарослых і дзяцей.
Непасрэдна ў дзень святкавання, 17 верасня, работнікі Беларускай АЭС прымуць удзел ва ўрачыстым мітынгу, аўтапрабегу і іншых святочных мерапрыемствах, якія пройдуць у г.Астраўцы.
