Рэспубліканскае унітарнае прадпрыемства

Беларуская атамная
электрастанцыя

Адрас:

Пляцоўка будаўніцтва атамнай электрастанцыі,

231201, г. Астравец, Гродзенская вобласць

Е-mail: belaes@belaes.by

Тэлефоны:

Прыёмная: +375 (1591) 4-53-59, fax: +375 (1591) 4-54-00

Аддзел кадраў: +375 (1591) 45-357; +375 (1591) 46-696

Бухгалтэрыя: +375 (1591) 46-358

30.07.2021

Надзвычайны і Паўнамоцны Пасол Венгрыі: гэта АЭС 22 стагоддзя!

Крыніца: Аддзел інфармацыі і грамадскіх сувязяў

29 ліпеня 2021 года, у рамках афіцыйнага візіту дэлегацыі адміністрацыі г. Гер'ен (Венгрыя) у Астравецкі раён, дзяржаўнае прадпрыемства «Беларуская АЭС» наведаў Надзвычайны і Паўнамоцны Пасол Венгрыі ў Рэспубліцы Беларусь Жолт Чутара і кіраўнік адміністрацыі г.Гер'ен Каралі Рамхані. Гасцей Беларускай АЭС суправаджаў старшыня Астравецкага раённага выканаўчага камітэта I.Я. Шалудзін. На прадпрыемстве дэлегацыю сустракаў намеснік генеральнага дырэктара па агульных пытаннях В. Э. Сенюць.

Візіт венгерскай дэлегацыі ў Астравецкі раён праходзіў у адпаведнасці з Мемарандумам аб намеры супрацоўніцтва ў эканамічнай і сацыяльнай сферы паміж Астравецкім раённым выканаўчым камітэтам і адміністрацыяй г. Гер'ен, паблізу якога пачынаецца будаванне АЭС Пакш-2.

Як і Беларуская АЭС, атамная электрастанцыя Пакш-2 будзе ўзведзена па расійскім праекце АЭС-2006. Таму, гасцям прадпрыемства было цікава пазнаёміцца не толькі з горадам энергетыкаў Астраўцом, але і ўбачыць на свае вочы аб'екты Беларускай АЭС.

Традыцыйна, знаёмства з атамнай электрастанцыяй пачалося ў вучэбна-трэніровачным цэнтры АЭС, дзе ўдзельнікі візіту азнаёміліся з працай поўнамаштабнага трэнажора блокавага пульта кіравання атамнай электрастанцыі.

У інфармацыйным цэнтры гасцям прадпрыемства распавялі аб інфармаванні грамадскасці, а таксама пазнаёмілі з асаблівасцямі праекта АЭС-2006.

Ужо на вытворчай пляцоўцы атамнай электрастанцыі члены венгерскай дэлегацыі пабывалі ля пырскальных басейнаў, ацанілі маштаб будынка рэактара, пабывалі ў «нулявога» кіламетра ядзернай энергіі - будынка КРПЭ-330 кВ (камплектная размеркавальная прылада элегазавая).

«Гэта электрастанцыя нават не 21, а 22 стагоддзя!» - эмацыйна падзяліўся сваімі ўражаннямі пасля заканчэння экскурсіі Надзвычайны і Паўнамоцны Пасол Венгрыі ў Рэспубліцы Беларусь Жолт Чутара.

«Атамная станцыя жыве! Горад жыве! Убачанае сёння зрабіла на мяне вельмі добрае ўражанне!» - дадаў дыпламат.

«У нашым горадзе будуецца такая ж станцыя і мы вельмі шчаслівыя, што ўбачылі добры ўзор, добры прыклад» - сказаў кіраўнік адміністрацыі г.Гер'ен Каралi Рамханi.

Апошняя змена 30.07.2021
© 2010- Дзяржаўнае прадпрыемства «Беларуская АЭС». Ўсе правы абаронены. Пры любым выкарыстанні матэрыялаў сайта, актыўная спасылка на www.belaes.by абавязковая.
На сайце працуе сістэма праверкі памылак. Выявіўшы недакладнасць у тэксце, вылучыце яе і націсніце Ctrl + Enter.
Яндекс.Метрика
Распрацоўка: ЦВР-Кастрычніцкі
Даслаць паведамленне аб памылцы