У гэтым годзе фестываль "Букiдс" быў прысвечаны творчай і прафесійнай разнастайнасці. Дзеці ў гульнявой форме маглі азнаёміцца з рознымі прафесіямі. Адной з прыкметных кропак для гасцей фестывалю стала тэматычная зона "Атамныя прафесіі", якую арганізавала дзяржкарпарацыя "Расатам", АТ ІК "АСЭ" і Інфармацыйны цэнтр па атамнай энергіі Мінска.
"Вучням і іх бацькам вельмі важна з першых рук даведацца аб розных прафесійных магчымасцях у атамнай сферы. Гэта дапаможа ім зрабіць правільны выбар пры планаванні свайго будучага, - адзначыла арганізатар фэсту Таццяна Юзэфовіч. - Менавіта цяпер гэта асабліва актуальна, паколькі пачалася эксплуатацыя Беларускай АЭС. Дзецям будзе карысна больш даведацца аб атамных тэхналогіях, каб з самага юнага ўзросту разумець іх галоўнае значэнне ва ўсіх сферах жыцця".
За два дні працы фестывалю пляцоўку "Атамныя прафесіі" наведалі каля 2 тыс. гасцей. Дзеці і іх бацькі змаглі азнаёміцца з разнастайнымі кірункамі, па якіх разьвіваюцца атамныя тэхналогіі.
"Шмат новага госці мерапрыемства адкрылі для сябе падчас гутаркі з прадстаўніком Беларускага нацыянальнага тэхнічнага ўніверсітэта Артурам Глямбоцкiм. Малады вучоны ў нефармальнай атмасферы распавёў хлопцам пра разнастайнасці прымянення атама ў звычайным жыцці, патэнцыяле атамных тэхналогій у розных сферах і адказаў на ўсе пытанні цікаўных слухачоў. Атрыманыя веды можна было адразу ж прымяніць у тэматычных віктарынах і конкурсах, за перамогу ў якіх належылi прызы. Хлапчукі, а таксама некаторыя таты, з цікавасцю паўдзельнічалі ў майстар-класе "Віртуальны зваршчык" і змаглі праверыць свае здольнасці, якія могуць спатрэбіцца пры зборцы абсталявання для атамных станцый", - распавялі ў прэс-службе "Расатама".
Шмат жадаючых сабраў майстар-клас па роспісу касак. Дзеці праявілі творчую фантазію, упрыгожыўшы каскі разнастайнымі ўзорамі і пажаданнямі. Распісаныя каскі, як сімвал бяспекі пры будаўніцтве і эксплуатацыі атамнай станцыі, сталі сувенірамі для ўдзельнікаў і напамінам пра дзень знаёмства з атамнымі тэхналогіямі.
Нядаўна ў Беларусі была завершана вялікая праца па ўводзе першага энергаблока БелАЭС. "Пры гэтым на фестывалі дзеці таксама даведаліся, што сучасныя атамныя тэхналогіі выйшлі за межы энергетычнай сферы і дапамагаюць рабіць свет лепш у многіх кірунках: прамысловасці, сельскай гаспадарцы, медыцыне. Напрыклад, без ядзернай медыцыны ўжо немагчыма ўявіць сабе лячэнне не толькі анкалагічных захворванняў, але і пастаноўку дакладных дыягназаў у кардыялогіі і неўралогіі", - звярнулі ўвагу ў прэс-службе.
