На працягу двух тыдняў эксперты МАГАТЭ будуць аналізаваць інфраструктуру ядзернай энергетыкі Рэспублікі Беларусь па ўсіх 19 напрамках яе развіцця, пазначаных у дакуменце МАГАТЭ для «краін-пачаткоўцаў» у сферы ядзернай энергетыкі – «Milestones» («Вехі»). Экспертамі будуць разглядацца такія напрамкі, як падрыхтоўка кадраў у сферы ядзернай энергетыкі, кіраванне аварыямі і гатоўнасць да аварыйных сітуацый і рэагаванне на іх, праца з грамадскасцю, абыходжанне з радыеактыўнымі адходамі і адпрацаваным ядзерным палівам, радыяцыйная бяспека, заканадаўчая база, дзяржаўная палітыка ў галіне ядзернай энергетыкі і іншыя.
Удзел у мерапрыемствах місii IНIР 3 прымаюць прадстаўнікі органаў дзяржаўнага кіравання і арганізацый, уцягнутых у рэалізацыю нацыянальнай ядзернай энергетычнай праграмы і развіцці інфраструктуры ядзернай энергетыкі Рэспублікі Беларусь: Міністэрства энергетыкі, МНС, МЗС, Мінпрыроды, Мінадукацыі, НУ «Аб'яднаны інстытут энергетычных і ядзерных даследаванняў - Сосны» НАН Беларусі, ДВА «Белэнерга», дзяржаўнага прадпрыемства «Беларуская АЭС» і іншых.
У ходзе мерапрыемстваў місіі экспертамі МАГАТЭ будзе разгледжана падрыхтаваная беларускім бокам справаздача аб развіцці ўсіх кірункаў ядзернай інфраструктуры, а таксама будуць праведзены нарады ў фармаце інтэрв'ю з беларускімі экспертамі па кожным з гэтых напрамкаў. На падставе атрыманых дадзеных і інфармацыі групай экспертаў МАГАТЭ будзе падрыхтавана адпаведная справаздача па выніках місіі IНIР 3.
