Адкрыўся сход вітальнай прамовай генеральнага дырэктара РУП «Беларуская атамная электрастанцыя» Міхаіла Васільевіча Філімонава. У сваім выступе кіраўнік прадпрыемства спыніўся на найбольш значных падзеях адыходзячага года, адзначыў работнікаў, якія найбольш вызначыліся, пазначыў задачы калектыву на 2020 год і, вядома, павіншаваў усіх супрацоўнікаў і членаў іх сем'яў з Днём энергетыка, надыходзячым Новым годам і Калядамі.
Урачысты сход працягнуўся узнагароджаннем работнікаў прадпрыемства.
Ганаровымі граматамі Міністэрства энергетыкі Рэспублікі Беларусь была адзначана праца начальніка рэактарнага цэха А.I. Канюкі і кіраўніка групы кіравання праектам вытворчага аддзела ўпраўлення капітальнага будаўніцтва П. А. Хралянкова. Падзяка Міністра энергетыкі Рэспублікі Беларусь была абвешчана інжынеру-фізіку рэактарнай устаноўкі Н.У.Гуцу.
Вялікая група работнікаў прадпрыемства была ўзнагароджана Ганаровымі граматамі і падзякамі Астравецкага раённага выканаўчага камітэта, Астравецкага раённага Савета дэпутатаў, дзяржаўнага прадпрыемства «Беларуская АЭС», прафсаюзнага камітэта прадпрыемства, раённага арганізацыі рэспубліканскага грамадскага аб'яднання «Белая Русь».
Традыцыйна, падчас урачыстага сходу былі падведзены вынікі круглагадовай спартакіяды Беларускай АЭС. Першае месца ў спартакіядзе заваявала аб'яднаная каманда вучэбна-трэніровачнага цэнтра АЭС і цэха сувязі. Узнагарода за другое месца дасталася рэактарнаму цэху. А трэцяе месца ў спаборніцтве заняла каманда электрычнага цэха.
У якасці музычнага віншаванні усе ўдзельнікі ўрачыстага сходу атрымалі цудоўную канцэртную праграму, падрыхтаваную работнікамі дзяржаўнага прадпрыемства «Беларуская АЭС».
