У ходзе візіту абмяркоўваліся пытанні пашырэння супрацоўніцтва ў сферы ядзернай энергетыкі, падрыхтоўкі персаналу, асаблівасцяў збудавання і ўводу ў эксплуатацыю АЭС, сацыяльна-бытавых умоў, створаных для работнікаў прадпрыемства.
У вучэбна-трэніровачным цэнтры АЭС для прадстаўнікоў "Узатам" правялі аглядную экскурсію з дэманстрацыяй поўнамаштабнага трэнажора блокавага пульта кіравання, лакальных трэнажораў і распавялі, як праходзіць падрыхтоўку аператыўны персанал.
У ходзе агляднай экскурсіі па пляцоўцы Беларускай АЭС прадстаўнікі ўзбекскага боку даведаліся аб канструктыўных асаблівасцях праекта новага пакалення 3+ "АЭС 2006" з рэактарамі ВВЭР-1200.
Дэлегацыя "Узатам" наведала Астравец і пазнаёмілася з інфраструктурай горада атамшчыкаў. Прадстаўнікам Узбекістана паказалі асноўныя сацыякультурныя аб'екты атамграда і распавялі пра ўмовы пражывання супрацоўнікаў станцыі.
Па выніку сустрэчы дырэктар агенцтва "Узатам" Азім Ахмедхаджаеў пакінуў памятны запіс у "Кнізе ганаровых гасцей Беларускай АЭС": "Выказваем вялікую падзяку вялікай паспяховай камандзе і кіраўніцтву БелАЭС за цудоўную гасціннасць! Жадаем вялікіх поспехаў, рэалізацыі ўсіх пастаўленых задач і мірнага неба станцыі".
