Сінхранізацыі турбагенератара другога энергаблока атамнай станцыі з энергасістэмай папярэднічаў вялікі аб'ём работ, у тым ліку па вываду рэактарнай устаноўкі ў крытычны стан, затым — на мінімальна-кантралюемы ўзровень магутнасці з далейшым яе павышэннем да 40%.
Усе тэхналагічныя аперацыі выкананы ў адпаведнасці з рэгламентам, з захаваннем неабходных патрабаванняў бяспекі.
«Ажыццёўлены адзін з найважнейшых і адказных падэтапаў энергетычнага пуску блока, які стаў вынікам маштабнай працы, звязанай з мантажом і наладкай абсталявання, правядзеннем сур'ёзных падрыхтоўчых аперацый перад штуршком турбіны і апрабаваннем яе працы на халастым ходзе, - адзначыў Міністр энергетыкі Віктар Каранкевіч. . – Другі энергаблок БелАЭС паспяхова ўключаны ў аб'яднаную энергасістэму, электраэнергія, якая ім вырабляецца, паступае спажыўцам краіны».
У бліжэйшы час спецыялісты прадоўжаць паэтапнае асваенне магутнасці рэактара блока да 100% - наперадзе этап яго доследна-прамысловай эксплуатацыі. Ён прадугледжвае шырокі спектр выпрабаванняў тэхналагічных сістэм і абсталявання на розных рэжымах працы блока, у тым ліку з яго адключэннем ад сеткі.
Увод блока ў прамысловую эксплуатацыю запланаваны ў 2023 годзе.
