Імкнуцца да 100% прафсаюзнага сяброўства
Зусім маладой пяршоўцы ужо ёсць чым ганарыцца: амаль увесь калектыў, а гэта 2 290 чалавек, належыць да прафсаюзу.
- Мы імкнемся да ўсвядомленага сяброўства, таму наша галоўная задача - стварэнне моцнага калектыўнага дагавора. Значна спрашчае і сістэматызуе працу электронны ўлік прафсаюзнага ахопу: афармленне дакументаў пры ўступленні ў шэрагі грамадскай арганізацыі займае да 5 хвілін, - патлумачыла Алена Лабадырова.
Дадатковы адпачынак і матэрыяльная дапамога
Дзякуючы прадуктыўнаму сацыяльнаму партнёрству ў «мясцовую канстытуцыю» БелАЭС удалося ўнесці нормы, якія павышаюць узровень абароны працоўных і сацыяльна-эканамічных правоў працаўнікоў. Такія прэферэнцыі цалкам адпавядаюць беларускаму заканадаўству, а таксама Генеральнаму і тарыфным пагадненням.
- Сярод новых гарантый, якія з'явіліся ў нашым калектыўным дагаворы, - дадатковы заахвочваючы водпуск аператыўнаму зменнаму персаналу за спецыфіку выконваемых работ, а таксама кампенсацыя ўтрымання дзяцей у дашкольных установах у памеры 2 базавых на кожнае дзіцяці бацькам-адзіночкам, шматдзетным і апякунскім сем'ям , - адзначыла старшыня пяршоўкі РУП «БелАЭС».
Дэмаграфічныя паказчыкі растуць
На думку Алены Лабадыровай, напоўнены калектыўны дагавор умацоўвае ўпэўненасць супрацоўнікаў БелАЭС ў стабільнасці і годнай заработнай плаце.
- Якасць жыцця членаў нашай пяршоўкі павышаецца, яны задаволены вынікамі сваёй працы і хочуць працаваць на карысць развіцця краіны. Важны паказчык дабрабыту работнікаў - жаданне будаваць вялікую сям'ю. На прадпрыемстве працуюць сёння 60 чалавек, сем'і якіх прылічаны да катэгорыі шматдзетных, - падзялілася старшыня прафкама.
Даступнае аздараўленне
Выбіраючы адпачынак у прафсаюзных санаторыях, кожны работнік прадпрыемства атрымаў матэрыяльную дапамогу са сродкаў пярвічкі.
- Каб аздаравіць больш людзей, на пасяджэнні прафсаюзнага камітэта было прынята рашэнне заахвочваць пуцёўкамі выхаднога дня пераможцаў розных спаборніцтваў. Напрыклад, такі прыз атрымалі 4 сям'і - лідэры конкурсу «Тата, мама...», які праводзіўся напярэдадні 1 мая, - распавяла Алена Лабадырова.
Барацьба з пандэміяй
Па словах старшыні прафкама БелАЭС, для стварэння калектыўнага імунітэту на прадпрыемстве актыўна праводзіцца прышчэпачная кампанія. З прайшоўшых вакцынацыю людзей здымаюць шэраг абмежаванняў: яны не трапляюць у катэгорыю кантактаў першага ўзроўню, а па вяртаньні з-за мяжы не сыходзяць на самаізаляцыю.
Наталля Марцінкевіч
Фота Сцяпана Цюшкевіча
