Зараз на першым блоку БелАЭС праходзіць этап доследна-прамысловай эксплуатацыі, праводзяцца адпаведныя выпрабаванні і рэгламентныя работы з наступным пераходам да комплекснага апрабавання абсталявання блока на намінальнай магутнасці, якое будзе арганізавана на працягу 15 сутак. Пасля яго завяршэння ва ўстаноўленым парадку блок будзе прыняты прыёмачнай камісіяй у прамысловую эксплуатацыю.
Гатоўнасць другога энергаблока - 78%. У цяперашні час тут выконваецца мантаж асноўнага абсталявання, тэхналагічных трубаправодаў, пракладка кабельнай прадукцыі.
