У адпаведнасці з Планам правядзення Адзінага дня бяспекі будзе выканана больш за 20 прафілактычных мерапрыемстваў, накіраваных на папярэджанне і ліквідацыю магчымых надзвычайных сітуацый, а таксама на павышэнне ўзроўню пажарнай бяспекі на прадпрыемстве.
Асноўнымі прафілактычнымі мерапрыемствамі будуць з'яўляцца правядзенне практычных вучэнняў, трэніровак, у тым ліку з практычнай адпрацоўкай плана эвакуацыі пры ўзнікненні пажару ў будынках, збудаваннях і памяшканнях з запрашэннем супрацоўнікаў МНС, правядзенне выступленняў у працоўных калектывах прадпрыемства па пытаннях забеспячэння бяспекі жыццядзейнасці з прыцягненнем прадстаўнікоў МНС, МУС, Міністэрства аховы здароўя, абнаўленне і размяшчэнне наглядна-выяўленчай прадукцыі на стэндах з інфармацыяй аб бяспецы жыццядзейнасці і ў салонах грамадскага транспарту, размяшчэнне інфармацыі на сайце прадпрыемства аб ходзе правядзення Адзінага дня бяспекі.
У інфармацыйных цэнтрах Беларускай АЭС, размешчаных у г. Астраўцы і ў вучэбна-трэніровачным цэнтры АЭС, пройдуць тэматычныя экскурсіі па бяспецы атамнай электрастанцыі. Наведвальнікі цэнтраў атрымаюць інфармацыйныя буклеты і брашуры.
Усе экскурсіі праходзяць на бязвыплатнай аснове.
Запісацца на экскурсію і атрымаць дадатковую інфармацыю можна па тэлефонах 8 (01591) 46 606; 8 (01591) 77 975
