Мінская ЦЭЦ-4, размешчана ў Заходнім прамысловым вузле горада, з'яўляецца асноўнай крыніцай для пакрыцця цеплавых нагрузак на ацяпленне, вентыляцыю і гарачае водазабеспячэнне заходняй, паўднёва-заходняй, часткова паўночнай і цэнтральнай частак горада Мінска. Устаноўленая электрычная магутнасць - 1035 МВт. Устаноўленая цеплавая магутнасць - 1519 Гкал/г. аАсаблівая ўвага была нададзена пытанню ўводу ў працу на мінскай ЦЭЦ-4 чатырох электракатлоў магутнасцю 40 МВт кожны.
- На працягу бліжэйшых трох сутак новае абсталяванне, якое валодае высокім каэфіцыентам карыснага дзеяння, уступіць у эксплуатацыю – запэўніў галоўны інжынер Мінскай ЦЭЦ-4 Міхаіл Банькоўскі. - Яно прызначана для пераўтварэння электрычнай энергіі, што выпрацоўваецца ў начны час, калі яе спажыванне мінімальнае, у цеплавую.
У тым ліку такім чынам можна будзе выкарыстоўваць і электрычнасць, што вырабляецца Беларускай АЭС. Для гэтага ад энергавузла ў Маладзечне пракладзена лінія электраперадач. У асноўным ЦЭЦ працуе па цеплавым графіку нагрузак, але ў сувязі з высокай эканамічнасцю блокаў станцыя прыцягваецца да рэгулявання электрычнай нагрузкі ў гадзіны дзённага і вячэрняга максімумаў. ЦЭЦ размешчана за межамі Мінскай кальцавой аўтадарогі, забяспечваючы мінімальны ўплыў на экалагічнае становішча горада.
У 2020 годзе ў энергасістэме Беларусі ідзе актыўная рэалізацыя мерапрыемстваў па інтэграцыі Беларускай атамнай электрастанцыі. У гэтым годзе ўстаноўлены электракатлы агульнай магутнасцю 826 мегават.
Прадстаўнікі тэлеканалаў, інфармагенцтваў і друкаваных СМІ пабывалі на галоўным шчыце кіравання, на блокавым шчыце кіравання, пагутарылі з работнікамі станцыі.
