Кіраўнік ведамства адзначыў, што ля межаў краіны на тэрыторыі сумежных дзяржаў размешчана некалькі атамных электрастанцый. Радыяцыйны маніторынг у зонах іх уплыву праводзіўся і да прыняцця рашэння развіваць ядзерную энергетыку ў Беларусі.
У раёне размяшчэння Беларускай АЭС была створана аўтаматызаваная сістэма кантролю радыяцыйнай абстаноўкі (АСКРА). Апаратура сістэмы складаецца з 10 аўтаматычных пунктаў вымярэння, якія аснашчаны датчыкамі вымярэння магутнасці дозы гама-выпраменьвання і спектраметрычнымі датчыкамі. Чатыры з іх дадаткова аснашчаны датчыкамі метэапараметраў. Акрамя таго, у раёне БелАЭС створана сетка пунктаў назіранняў. Яна сканфігуравана такім чынам, каб быць прыдатнай для выкарыстання на ўсіх этапах існавання АЭС: пры яе нармальнай працы, пры прыпынку ў сувязі з рэканструкцыяй, дэмантажом або кансервацыяй рэактараў, а таксама пры магчымай радыяцыйнай аварыі. Так што, акрамя АСКРА, на гэтай тэрыторыі праводзяцца вымярэннi узроўняў магутнасці дозы гама-выпраменьвання ў ручным рэжыме, адбор пробаў атмасфернага паветра, назірання за радыеактыўным забруджваннем паверхневых вод, радыяцыйны маніторынг глеб.
Паралельна з назіраннямі на сваёй сетцы пунктаў Белгідрамет праводзіць радыяцыйны маніторынг у зоне Беларускай АЭС па дагаворных абавязацельствах перад генпадрадчыкам - АО IК «АСЭ». Штогод адбіраецца каля 700 проб аб'ектаў навакольнага асяроддзя, у якіх вызначаецца фонавае ўтрыманне радыенуклідаў. Кожныя паўгода рыхтуецца справаздачная дакументацыя. Пасля завяршэння гэтых работ колькасць уласных пунктаў назіранняў Белгідрамета ў зоне назірання Беларускай АЭС будзе павялічана.
На пытанне карэспандэнта аб тым як беларусы могуць даведацца актуальныя звесткі аб радыяцыйнай абстаноўцы, міністр адказаў:
- Белгідрамет пастаянна ўдасканальвае спосабы прадастаўлення інфармацыі. Акрамя выдання штогоднікаў, бюлетэняў і размяшчэння інфармацыі ў СМІ, шырока выкарыстоўваюцца сучасныя тэхналогіі і інтэрнэт-рэсурсы. Напрыклад, на сайце rad.org.by можна ўбачыць аператыўныя дадзеныя аб радыяцыйнай абстаноўцы, а на сайце nsmos.by - вынікі радыяцыйнага маніторынгу на тэрыторыі Беларусі па гадах. Інфармацыя аб радыяцыйнай абстаноўцы таксама даступна ў мабільным дадатку «Надвор'е ў кішэні».
Па матэрыялах БЕЛТА
