З мэтай прадухілення распаўсюджвання COVID-19 сярод удзельнікаў збудавання Беларускай АЭС на будаўнічай пляцоўцы арганізавана сістэмная прафілактычная работа ў адпаведнасці з пастановамі Савета Міністраў Рэспублікі Беларусь ад 25 сакавіка 2020№ 171 «Аб мерах па прадухіленні завозу і распаўсюджвання інфекцыі, выкліканай каранавірусам COVID-19», ад 8 красавіка 2020 № 208 «Аб увядзенні абмежавальнага мерапрыемства», а таксама дадзенымі ў іх развіццё даручэннямі ўрада, рэкамендацыямі Міністэрства аховы здароўя і «Планам мерапрыемстваў па мінімізацыі рызыкі ўзнікнення і распаўсюджвання інфекцыі, выкліканай каранавірусам-COVID-19», зацверджаным Астравецкім раённым выканаўчым камітэтам.
Па стане на 26 мая бягучага года ў васемнаццаці работнікаў дзяржаўнага прадпрыемства «Беларуская АЭС» тэсты на COVID-19 далі станоўчы вынік.
Супрацоўнікі з пацверджаным дыягназам COVID-19 знаходзяцца пад кантролем медыцынскіх служб па месцы пражывання, плынь хваробы праходзіць бессімптомна, у лёгкай форме. На самаізаляцыі знаходзяцца 81 чалавек як кантакты першага ўзроўню.
