"Ёсць графік работ, і павінна быць зроблена ўсё, каб ён выконваўся ва ўстаноўленыя тэрміны. Цяпер ён выконваецца. Кантрольны пункт, калі павінен быць уведзены першы энергаблок, - снежань 2019 года", - сказаў Віктар Каранкевіч.
Гатоўнасць першага энергаблока Беларускай АЭС складае 85%, другога-65%.
Будаўніча-мантажныя працы вядуцца на ўсіх аб'ектах і збудаваннях першага і другога энергаблокаў Беларускай АЭС, задзейнічаны 33 субпадрадныя арганізацыі: 19 беларускіх і 14 расійскіх. Колькасць будаўнічага і мантажнага персаналу складае больш за 7 тыс. чалавек. З пачатку будаўніцтва выкладзена 97% ад запланаванага аб'ёму бетону, змантавана 99% арматуры.
На першым блоку БелАЭС завяршаюцца агульнабудаўнічыя работы, актыўна вядуцца электрамантажныя і цепламантажныя. Мантаж асноўнага тэхналагічнага абсталявання знаходзіцца ў стадыі завяршэння. Працягваюцца пусканаладачныя работы, выконваюцца тэхналагічныя аперацыі, звязаныя з падрыхтоўкай тэхналагічных сістэм да гідравыпрабавання і цыркуляцыйных прамыванняў. Што тычыцца будаўніцтва другога блока, то зманціравана асноўнае абсталяванне рэактарнай устаноўкі, вядзецца мантаж тэхналагічных трубаправодаў, мантаж сістэм турбіны.
Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Першы энергаблок плануецца ўвесці ў эксплуатацыю у 2019 годзе, другі - у 2020 годзе.
