У ходзе візіту А.Раффо-Кайадо наведала інфармацыйны цэнтр Беларускай АЭС, азнаёмілася з арганізацыяй падрыхтоўкі персаналу ў вучэбна-трэніровачным цэнтры, а таксама з ходам работ па ўзвядзенню атамнай электрастанцыі.
На сустрэчы з намеснікам генеральнага дырэктара дзяржаўнага прадпрыемства "Беларуская АЭС" В.Сенюцем і намеснікам дырэктара дэпартамента па ядзернай энергетыцы Міністэрства энергетыкі Л.Дулінец бакі абмеркавалі перспектывы далейшага двухбаковага ўзаемадзеяння па развіцці нацыянальнай ядзерна-энергетычнай праграмы ў рамках праекта тэхнічнага супрацоўніцтва МАГАТЭ.
