"З уводам БелАЭС у Беларусі з'явіцца магутны экспартны патэнцыял, гэта несумненна", - падкрэсліла Вольга Пруднікава. Датычна геаграфіі паставак і адпаведных дамоўленасцей яна адзначыла, што вядуцца разнавектарнае перамовы з усімі дзяржавамі-партнёрамі, у тым ліку ў рамках стварэння агульнага электраэнергетычнага рынку ЕАЭС.
"Сёння Беларусь пастаўляе электраэнергію ў тым ліку ў суседнія краіны Балтыі. За мінулы перыяд экспартавана каля 700 млн кВт.ч", - адзначыла намеснік міністра.
Акрамя таго, краіны Балтыі нярэдка звяртаюцца да Беларусі за аказаннем нарматыўнага аварыйнага рэзерву магутнасці пры наяўнасці тэхналагічных праблем з энергазабеспячэннем.
Гаворачы аб унутраным спажыванні, Вольга Пруднікава распавяла, што гадавы аб'ём вытворчасці электрычнай энергіі на БелАЭС складзе 18 млрд кВт.ч, а рэспубліка спажывае 37 млрд кВт.ч. "Мы маем у бягучым годзе прырост электраспажывання ў 1,5% да ўзроўню мінулага года. І калі дынаміка будзе захоўвацца, то вытворчасць электраэнергіі на атамнай станцыі складзе 40%", - дадала намеснік міністра.
