Атамная электрастанцыя будуецца па расійскім праекце ВВЭР-1200 пакалення «тры плюс». Яна складаецца з двух энергаблокаў сумарнай магутнасцю 2400 МВт. Праект адпавядае самым строгім нормам і рэкамендацыям Міжнароднага агенцтва па атамнай энергіі (МАГАТЭ) і вызначаецца павышанымі характарыстыкамі бяспекі.
31 мая 2012 г. атрымана ліцэнзія на размяшчэнне АЭС. Будаўнічыя работы на энергаблоку № 1 пачаты ў лістападзе 2013 г., на энергаблоку № 2 – у красавіку 2014 г. У адпаведнасці з Генеральным кантрактам на будаўніцтва АЭС ўвод у эксплуатацыю энергаблокаў запланаваны да 2020 года.
Будаўніцтва АЭС у рэспубліцы дасць магчымасць:
- штогод замяшчаць прыродны газ у аб'ёме да 5 млрд. куб. м, павысіўшы энергетычную бяспеку рэспублікі;
- паменшыць выкіды парніковых газаў;
- забяспечыць вывад з працы састарэлых і малаэфектыўных генерыруючых магутнасцяў Беларускай энергасістэмы;
- падняць на якасна новы ўзровень эканоміку краіны і развіццё іншых галін народнай гаспадаркі;
- надаць магутны стымул развіццю рэгіёна будаўніцтва АЭС.
У цяперашні час разгорнуты поўнамаштабныя будаўніча-мантажныя работы на 123 з 130 аб'ектаў і збудаванняў першага і другога энергаблокаў Беларускай АЭС.
Галоўным будынкам АЭС з'яўляецца будынак рэактара, у якім размяшчаецца асноўнае абсталяванне рэактарнай ўстаноўкі, прызначанае для пераўтварэння атамнай энергіі ў цеплавую.
Будынак рэактара ўяўляе сабой збудаванне, якое складаецца з двух ахоўных абалонак і ўнутраных канструкцый, размешчаных на агульнай падмуркавай пліце.
Прызначэнне унутранай ахоўнай абалонкі – не дапусціць выхаду радыеактыўнасці ў навакольнае асяроддзе ў выпадку аварыі. Дыяметр ўнутранай праднапражанай абалонкі – 44,0 м, таўшчыня цыліндрычнай часткі – 1 200 мм, купала – 1 100 мм.
Прызначэнне вонкавай ахоўнай абалонкі – ўспрымаць знешнія дынамічныя нагрузкі. Дыяметр вонкавай абалонкі – 51,6 м, таўшчыня цыліндрычнай часткі – 0,8 м, купала – 0,6 м.
Вонкавая паверхня купала знаходзіцца на адзнацы +70,2. м.
Паміж вонкавай і ўнутранай абалонкамі маецца колцавая прастора шырынёй 1 800 мм.
01 красавіка 2017 года усталяваны на штатнае месца корпус рэактара першага энергаблока, 07 верасня 2017 года завершана зварка галоўнага цыркуляцыйнага трубаправода. Устаноўлены ярусы купала ахоўнай абалонкі. У цяперашні час на энергаблоку актыўна вядуцца электра - і тепламантажныя працы. На энергаблоку № 2 завяршаюцца працы па прыладзе металаканструкцый унутранай ахоўнай абалонкі: устаноўлены ярусы купала, пачаты падрыхтоўчыя работы да армавання і бетанавання.
21 кастрычніка 2017 г. на вытворчую пляцоўку Беларускай АЭС дастаўлены корпус рэактара для энергаблока № 2.
Наступным асноўным будынкам з'яўляецца будынак турбіны, у якім размяшчаюцца турбоагрегат, электрычны генератар і дапаможныя сістэмы турбаўстаноўкі. Будынак турбіны ўяўляе сабой прастакутны корпус памерам 121,0х51,0 м, вышынёй 37,0 м.
Вежавая градзірня прызначана для астуджэння вады на кандэнсатар турбіны Да-1200-6,8/3000 магутнасцю 1 200 МВт.
На Беларускай АЭС прадугледжана адна градзірня на блок. Вышыня градзірні – 167 м, дыяметр падставы – 128,4 м, дыяметр выхаднога перасеку – 80,9. м.
На градірне першага энергаблока завершаны мантажныя работы, на яе паверхню нанесена ахоўная афарбоўка і святлоадбівальныя элементы.
Вучэбна-трэніровачны цэнтр
У 2016 годзе ўведзены ў эксплуатацыю Вучэбна-трэніровачны цэнтр для падрыхтоўкі эксплуатацыйнага і рамонтнага персаналу, з поўнамаштабным і аналітычным трэнажорамі. Дзякуючы гэтаму, маецца магчымасць падрыхтоўкі персаналу з выкарыстаннем матэрыяльна-тэхнічнай базы ўласнага Цэнтра.
У вучэбна-трэніровачным цэнтры устаноўлены поўнамаштабны трэнажор блочнага шчыта кіравання станцыяй.
З уводам у дзеянне Вучэбна-трэніровачнага цэнтра з'явілася магчымасць падрыхтоўкі персаналу з выкарыстаннем матэрыяльна-тэхнічнай базы.
19 кастрычніка 2017 года адбылося вучэнне па рэагаванні на радыяцыйныя аварыі. Мэта вучэнняў – праверка гатоўнасці сістэмы аператыўнага рэагавання, якая важная ў тым ліку і ў працэсе распрацоўкі аварыйных планаў дзеянняў за межамі прамысловай пляцоўкі АЭС. У радыусе 3 км ад Беларускай АЭС адпрацоўвалася эвакуацыя насельніцтва, праверана гатоўнасць персаналу АЭС да лакалізацыі інцыдэнтаў з практычнай адпрацоўкай дзеянняў на трэнажорах блокавага пульта кіравання станцыі. Удзельнікі – прадстаўнікі рэспубліканскіх органаў дзяржаўнага кіравання, прадстаўнікі дзяржаў АДКБ і СНД. Для адпрацоўкі ўводных прыцягваліся сілы МНС, МУС, Мінабароны, Міністэрства аховы здароўя, Мінэнерга Беларусі і МНС Расіі.
Завяршэнне вучэнні пракаментаваў намеснік прэм'ер-міністра Уладзімір Сямашка. Па яго словах на гэтым планавым вучэнні МНС і іншыя ведамствы паказалі абсалютна поўную гатоўнасць да таго, што толькі тэарэтычна можа здарыцца. «Але мы павінны быць гатовыя да ўсялякіх нечаканасцяў. Усе назіральнікі і ўдзельнікі вучэнняў, госці адзначылі высокі ўзровень гатоўнасці да ліквідацыі надзвычайных сітуацый», – сказаў віцэ-прэм'ер.
Сацыяльная сфера
Уведзена ў эксплуатацыю 37 дамоў або 2356 кватэр агульнай плошчай 149850,2 кв. м. З іх 1027 арэндных кватэр агульнай плошчай 63227,0 кв. м і 1329 кватэр у інтэрнатах агульнай плошчай 86623,2 кв. м. Асноўная паверхавасць будынкаў – 3-5 і 7 паверхаў.
Інфармацыйны цэнтр
Інфармацыйны цэнтр Беларускай атамнай электрастанцыі адкрыўся ў 2009 годзе. У 2015 годзе Інфармацыйны цэнтр пераехаў у новы будынак.
За час працы Інфармацыйны цэнтр наведалі больш за 13 тысяч чалавек. Супрацоўнікі Цэнтра прымаюць актыўны ўдзел у міжнародных спецыялізаваных выставах і рэгіянальных мерапрыемствах.
19 верасня ў штаб-кватэры МАГАТЭ ў ходзе 61-й сесіі Генеральнай канферэнцыі агенцтва была прадстаўлена экспазіцыя Беларускай АЭС «Ядзерная энергетычная праграма Беларусі: прыярытэт – бяспека».
Стрэс-тэсты
Беларусь апублікавала нацыянальны даклад аб стрэс-тэстах АЭС. Нацыянальны даклад аб мэтавай пераацэнцы бяспекі (стрэс-тэстах) Беларускай АЭС размешчаны ў адкрытым доступе на сайце Дэпартамента па ядзернай і радыяцыйнай бяспецы МНС Беларусі (Дзяржатамнагляд).
У нацыянальным дакладзе прадстаўлена інфармацыя аб заканадаўчай і рэгулюючай аснове для забеспячэння бяспекі ядзерных установак, звесткі аб пляцоўцы размяшчэння АЭС і агульныя характарыстыкі энергаблокаў, канцэпцыя забеспячэння бяспекі станцыі. У ходзе стрэс-тэстаў разгледжана ўстойлівасць атамнай электрастанцыі да экстрэмальных знешніх уздзеянняў: землятрусам, затаплення, экстрэмальных пагодных умоў, а таксама абарона АЭС пры страты электразабеспячэння і страты канчатковага паглынальніка цяпла. Асобная глава прысвечана кіраванні цяжкімі аварыямі. У заключэнне прыведзены магчымыя меры па павышэнні бяспекі АЭС пры ўзнікненні названых падзей.
Даклад падрыхтаваны міжведамаснай рабочай групай пры метадалагічнай падтрымцы еўрапейскіх экспертаў. Вынікі стрэс-тэстаў паказалі, што сістэмы бяспекі Беларускай АЭС распрацаваны з улікам ўсебакова разгледжаных знешніх падзей, а будынкі, збудаванні і абсталяванне Беларускай атамнай эектростанцыі спраектаваны ў адпаведнасці з дзеючай нарматыўнай базай. Вызначаны запасы бяспекі.
Па выніках стрэс-тэстаў распрацаваны план дзеянняў (дарожная карта) па фарміраванні і рэалізацыі мерапрыемстваў, накіраваных на павышэнне ўзроўню бяспекі Беларускай АЭС. Даклад будзе разгледжаны еўрапейскімі экспертамі, плануецца візіт экспертнай групы ЕС у Беларусь.
Стрэс-тэсты ўяўляюць сабой разавую пазапланавую пераацэнку бяспекі. У адпаведнасці з тэхнічнымі патрабаваннямі Еўрапейскай групы рэгулятараў ядзернай бяспекі (ENSREG) стрэс-тэсты з'яўляюцца мэтанакіраванай пераацэнкай атамных электрастанцый у святле падзей, якія адбыліся на «Фукусіме» ў 2011 годзе. Беларусь у 2011 годзе далучылася да Сумеснай дэкларацыі Еўрапейскага саюза і дзяржаў-суседзяў па правядзенні ўсёабдымнай ацэнкі рызык і бяспекі АЭС і прыняла на сябе абавязацельствы па правядзенні стрэс-тэстаў.
Матэрыял падрыхтаваны супрацоўнікамі Навуковай установы «АІЭЯД – Сосны» і Інфармацыйнага цэнтра Беларускай АЭС.
