Генеральны дырэктар Беларускай АЭС Сяргей Бабовіч, адкрываючы пасяджэнне, выказаў упэўненасць у далейшым плённым супрацоўніцтве з венгерскім бокам і абмене станоўчымі практыкамі ў галіне выкарыстання мірнага атама.

У парадак дня пасяджэння ўключаны пытанні, якія датычацца вопыту Беларускай АЭС па ахове навакольнага асяроддзя, тэхніцы бяспекі і ахове працы, атрыманага пры будаўніцтве атамнай электрастанцыі. У рабоце пасяджэння задзейнічаны профільныя спецыялісты ўпраўлення капітальнага будаўніцтва, аддзела аховы працы, аддзела аховы навакольнага асяроддзя Беларускай АЭС, а таксама іх калегі з "Пакш-2".