Рэспубліканскае унітарнае прадпрыемства

Беларуская атамная
электрастанцыя

Адрас:

Пляцоўка будаўніцтва атамнай электрастанцыі,

231201, г. Астравец, Гродзенская вобласць

Е-mail: belaes@belaes.by

Тэлефоны:

Прыёмная: +375 (1591) 4-53-59, fax: +375 (1591) 4-54-00

Аддзел кадраў: +375 (1591) 45-357; +375 (1591) 46-696

Бухгалтэрыя: +375 (1591) 46-358

21.08.2019

Міжнародная экалагічная экспедыцыя паспяхова завяршыла працу на БелАЭС

Крыніца: Аддзел інфармацыі і грамадскіх сувязяў

Міжнародная экспедыцыя паспяхова завяршыла працу па замерах «нулявога фону» на тэрыторыі, прылеглай да пляцоўкі збудавання Беларускай АЭС у Астравецкім раёне. У ходзе экспедыцыі, якая праходзіла з 15 па 20 жніўня 2019 года, былі выкананы ўсе запланаваныя мерапрыемствы. Палявая гама-спектраметрычная здымка праведзена больш чым у 200 кропках вакол перыметра пляцоўкі Беларускай АЭС і берагавой лініі рэк Полпе і Вілія, вымеранае дно і вада ў кантрольным створы-вусце ракі Полпе, кропках водазабору і скіду ракі Вілія. Вымярэннi дапоўнены пешаходнай і аўтамабільнай гама-здымкай, што дазволіла пашырыць плошчу абследавання.

Адабраны пробы паветра, вады, глебы, донных адкладаў і расліннасці для лабараторных даследаванняў. Дзве паветрафiльтруючыя ўстаноўкі для адбору пробаў радыеактыўных аэразоляў і газападобнага радыеактыўнага ёду былі размешчаны на штатным пункце назіранняў на метэаралагічнай станцыі Маркуны. Разам з гэтым былі адабраны пробы для вызначэння ў паветры радыеактыўнага вугляроду і трыція. Аб'ём пракачанага паветра склаў больш за 30 тыс. куб. метраў.

Найбольш эфектыўным выкарыстаннем атрыманых замераў «нулявога фону» можа стаць правядзенне сістэматычных назіранняў за радыёэкалагічнай сітуацыяй у дадзеным раёне. Паўторныя вымярэння мэтазгодна правесці праз год пасля фізічнага пуску Беларускай АЭС з прыцягненьнем прадстаўнікоў зацікаўленай грамадскасці.

Практычны вопыт і вынікі праведзенага грамадскага прадэксплуатацыйнага абследавання могуць быць тыражаваны на іншых ядзерна - і радыяцыйна-небяспечных аб'ектах у розных краінах.

Апошняя змена 21.08.2019
© 2010- Дзяржаўнае прадпрыемства «Беларуская АЭС». Ўсе правы абаронены. Пры любым выкарыстанні матэрыялаў сайта, актыўная спасылка на www.belaes.by абавязковая.
На сайце працуе сістэма праверкі памылак. Выявіўшы недакладнасць у тэксце, вылучыце яе і націсніце Ctrl + Enter.
Яндекс.Метрика
Распрацоўка: ЦВР-Кастрычніцкі
Даслаць паведамленне аб памылцы