Місія прайшла 29-30 ліпеня 2021 г. у рэжыме відэаканферэнцсувязі ў рамках рэалізацыі праекта міжнароднай тэхнічнай дапамогі «Павышэнне эксплуатацыйнай бяспекі атамнай электрастанцыі ў перыяд уводу ў эксплуатацыю і эксплуатацыі».

Падчас узаемадзеяння спецыялістаў Беларускай АЭС і экспертаў МАГАТЭ разгледжаны пытанні па абмене вопытам у галіне ўпраўлення канфігурацыяй АЭС, зроблены агляд лепшых сусветных практык у галіне ўпраўлення канфігурацыяй АЭС.

Прааналізаваны рэкамендацыі і падыходы міжнародных арганізацый, у прыватнасці МАГАТЭ, у дачыненні да ўпраўлення канфігурацыяй АЭС. Таксама разгледжаны мэты і сістэма ўпраўлення канфігурацыяй Беларускай АЭС, парадак арганізацыі дзейнасці па ўпраўленні канфігурацыяй АЭС.

У склад каманды экспертаў МАГАТЭ ўвайшлі прадстаўнікі Злучаных Штатаў Амерыкі, Карэі, Фінляндыі, якія валодаюць вялікім вопытам работы па выбраных напрамках.

Беларускую АЭС прадстаўляў Лебедзеў Вадзім Алегавіч, начальнік аддзела ўпраўлення рэсурсам і мадэрнізацыі Беларускай АЭС. У мерапрыемстве таксама прынялі ўдзел прадстаўнікі іншых структурных падраздзяленняў Беларускай АЭС.

Атрыманыя па выніках місіі ацэнкі і рэкамендацыі будуць выкарыстаны пры падрыхтоўцы да місіі МАГАТЭ OSART (місія па разглядзе пытанняў эксплуатацыйнай бяспекі), запланаванай да правядзення ў кастрычніку 2021 года.