Не абышлі хлопчыкі і дзяўчынкі ўвагай і самыя знакавыя моманты працоўнай біяграфіі генеральнага дырэктара, а таксама яго вопыт у атрыманні прафесійнай адукацыі. Добра, што Сяргею Алегавічу было чым падзяліцца з будучымі студэнтамі. У кіраўніка Беларускай АЭС два дыпломы аб вышэйшай адукацыі з адзнакай. На ўсе пытанні маладога пакалення Сяргей Алегавіч адказваў цярпліва і грунтоўна.

А папярэднічала размове з генеральным дырэктарам традыцыйная экскурсія па ключавых аб'ектах атамнай электрастанцыі. Навучэнцы чарговай змены тэхнапарка, сярод якіх напэўна былі і будучыя работнікі Беларускай АЭС, пабывалі ў інфармацыйным цэнтры атамнай электрастанцыі, азнаёміліся з працай поўнамаштабнага трэнажора пульта кіравання энергаблокам, трэнажорамі цэнтральнага пункта кіравання і пункта радыяцыйнага кантролю ў вучэбна-трэніровачным цэнтры АЭС.

Начальнік аператыўна-вытворчай службы АЭС Аляксандр Маслаў расказаў хлопцам аб рабоце цэнтральнага пункта кіравання атамнай электрастанцыі. А начальнік турбіннага цэха Андрэй Лазоўскі правёў грунтоўную экскурсію па турбіннай зале энергаблока №2.

Азнаёміліся навучэнцы тэхнапарка і з працай камплектнай размеркавальнай прылады элегазавага 330 кВ, вежавых выпарных градзірняў, пырскальных басейнаў і іншых аб'ектаў атамнай электрастанцыі.